RSS Feed

ຕ້ອງຮູ້ຈັກເປັນຜູ້ໃຫ້

ຕ້ອງຮູ້ຈັກເປັນຜູ້ໃຫ້

ການ​ຮູ້ຈັກ “ໃຫ້” ເປັນສິ່ງ​ທີ່​ດີ​ທີ່​ສຸດ​ສຳລັບ​ຄົນ​ທີ່​ດຳລົງຊີວິດ​ຢູ່​ຮ່ວມ​ກັນ, ການ​ໃຫ້​ເປັນ​ ສິ່ງ​ທີ່​ເຮັດ​ໄດ້​ຍາກ​ທີ່​ສຸດສໍາລັບ​ຄົນ​ທີ່​ມີ​ຈິດ​ໃຈ​ຮູ້​ແຕ່​ຮັບ​ນັ້ນ​ ແຕ່ມັນ​ງ່າຍ​ສໍາລັບ​ຄົນ​ທີ່​ມີ​ຄວາມ​ເມດ​ຕາ​ຕໍ່​ເພື່ອ​ນມະນຸ​​ດດ້ວຍ​ກັນ.

   ການ​ຝຶກ​ຕົນ​ເອງ​ໃຫ້​ເປັນ​ຄົນທີ່​ມີ​ນໍ້າ​ໃຈ​ເອື້ອ​ເຝື້ອ​ເພື່ອ​ແຜ່​ ກັນນັ້ນມັນ​ແມ່ນ​ສິ່ງ​ທີ່​ຈຳ​ເປັນ​ຂອງຄົນ​ເຮົາ, ​ເພາະ​ການ​ຢູ່​ຮ່ວມ​ກັນ​ກັບ​ຄົນ​ໃນ​ສັງ​ຄົມ​ນັ້ນຖ້າ​ເຮົາ​ມີ​ແຕ່​ເປັນ​ຜູ້​ ຮັບ​ຢ່າງ​ດຽວ​ຈະ​ບໍ່​ມີເພື່ອນ​ທີ່ີດີ​ໄດ້ດັ່ງ​ສຸພາສິດ​ຈີນ​ທີ່ວ່າ: “ນົກ​ບໍ່​ມີ​ຂົນ​ຄົນ​ບໍ່ມີ​ເພື່ອນ​ຈະ​ບິນ​ຂຶ້ນ​ສູງ​ໄດ້​ຈັ່ງ​ໃດ” ການໃຫ້​ຖື​ເປັ​ນເລື່ອງ​ທີ່ດີ,​ແຕ່​ການ​ໃຫ້ຕ້ອງ​ບົນ​ພື້ນຖານ​ຄວາມ​ພໍ​ໃຈ​ ແລະບໍ່ຫວັງ​ຜົນ​ຕອບແທນ ຫລື ບໍ່​ມີ​ສິ່ງອື່ນ​ແອບ​​ແຝງ​ຢູ່​ນັ້ນ​ເອີ້ນວ່າ: ການ​ໃຫ້​ດ້ວຍ​ຄວາມ​ບໍລິສຸດໃຈ​ໃນ​ເມື່ຶອ​ເຮັດ​ໄປ​ແລ້ວຈະ​ໄດ້ແຕ່​ຄວາມສຸກ​ກາຍ​ ສະບາຍ​ໃຈ​ເປັນ​ສິ່ງ​ຕອບ​ແທນຫລືຈະ​​ເອີ້ນ​ວ່າມີ​ຄວາມສຸກ​ທັງ​ຜູ້​ໃຫ້​ ແລະຜູ້ຮັບ; ການ​ໃຫ້​ແມ່ນ​ມີ​ຫລາຍ​ຢ່າງໃຫ້​ສິ່ງ​ຂອງ​ວັດຖຸ, ​ເງິນ, ຄໍາ, ການ​ໃຫ້​ອະ​ໄພ​ກັນ, ການ​ໃຫ້ຄວາມ​ຮູ້… ​ໃຫ້​ກໍາລັງ​ໃຈ​ກັນ​ ແລະ ໃຫ້​ສິ່ງ​ທີ່​ກົດຫມາຍ​ບໍ່​ຫ້າມ.

​   ຄົນ​ທີ່​ບໍ່​ເຄີຍ​​ເປັນ​ຜູ້​ໃຫ້​ຈະ​ບໍ່​ຮູ້​ໄດ້​ວ່າ: “ການ​ໃຫ້” ​ແມ່ນ​ມີ​ຄວາມສຸກ​ສະບາຍ​ໃຈ​ຫນ້ອຍຫລາຍ​ພຽງ​ໃດ. ຄົນ​ທີ່​ບໍ່​​ເຄີຍ​ໃຫ້​ ຈະ​ກາຍ​ເປັນ​ຄົນ​ເຫັນ​ແກ່​ຕົວ​ເອງບໍ່​ມີ​ໃຜ​ໃຫ້​ຄວາມ​ນິຍົມ​ຊົມ​ຊອບ​ ​ແລະ ສ້າງ​ຄວາມ​ດີ​ຄວາມ​ຊອບ​ ​ໃຫ້​ໃຜ​ໄດ້​ອີກ; ກົງກັນຂ້າມ​ຄົນ​ທີ່ເປັນ​ຜູ້​​ໃຫ້​ມີ​ແຕ່​ຈະ​​ໄດ້​ຮັບ​ຄວາມ​ຍ້ອງຍໍ​ຊົມ​ເຊີຍ​ ເປັນຜູ້​ທີ່​ເຄົາລົບຂອງ​ຄົນ​ທີ່​ໄດ້​ພົບ​ເຫັນ​ຮູ້ຈັກ​ດ້ວຍ.

   ການ​ໃຫ້​ຕ້ອງ​ບໍ່​ມີ​ການ​ຄອງຄອຍ​ຈາກ​ຜູ້​ຮັບ​ຫມາຍວ່າ: ຜູ້​ໃຫ້​ຕ້ອງ​ບໍ່​ເວົ້າ​ວ່າ​ຈະ​ໃຫ້​ມື້​ນີ້​, ມື້ຫນ້າ… ສໍາຄັນຕ້ອງ​ຕັດ​ໃຈ​ໃຫ້​ເດັດຂາດ​ວ່າ: ​ເຮົາ​ພ້ອມ​ຈະ​ເປັນ​ຜູ້​ໃຫ້​ເຂົາ​ແລ້ວ​ບໍ່? ​ແລ້ວ​ເລີ່​ມປະຕິ​ບັດ​ເລີຍ.

    ດັ່ງ​ນັ້ນຫາກ​ທ່ານ​ຜູ້​ໃດ​ທີ່​ຄິດວ່າ​ຜ່ານ​ມາ​ເຮົາ​ຍັງ​ບໍ່​ໄດ້​ເປັນ​ຜູ້​ ໃຫ້​ຈົ່ງ​ເລີ່​ມ​ຕົ້ນ​ເປັນ​ຜູ​້​ໃຫ້​ແຕ່​ດຽວນີ້​ເປັນ​ຕົ້ນ​ໄປຈະ​ເຮັ​ດ​ໃຫ້​ ເຮົາ​ມີຄວາມ​ຮູ​້ສຶກຈາກ “ການ​ໃຫ້” ວ່າ​ເປັນ​ແນວ​ໃດ!.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: