RSS Feed

ຄວາມສຸກເກີດຂຶ້ນໄດ້ທຸກເມື່ອ ຈົ່ງຍິ້ມຮັບກັບມັນ

ຄວາມສຸກເກີດຂຶ້ນໄດ້ທຸກເມື່ອ ຈົ່ງຍິ້ມຮັບກັບມັນ

ຄວາມສຸກ

ຄວາມສຸກ

ຢ່າເຮັດໜ້າບູດໜ້າບຽ້ວໄປເລີຍ ເພາະເຈົ້າອາດບໍ່ຮູ້ວ່າມີຜູ້ໃດຜູ້ໜຶ່ງແມ່ນຕົກຫຼຸມຮັກນໍາຮອຍຍິ້ມຂອງເຈົ້າ

 

ຈົ່ງເຊຶ້ອໝັ້ນໃນຕົນເອງ! ໝັ້ນໃຈນໍາຄວາມສາມາດຂອງຕົນ! ປາດສະຈາກການທອ່ມໂຕເຮັດໃຫ້ຕົນຕົກຕໍາ ແຕ່ຕ້ອງມີເຫດຜົນ ແລະໝັ້ນໃຈກັບກໍາລັງຄວາມສາມາດຂອງຕົນທີ່ວ່າຈະເຮັດຫຍັງປະສົບກັບຄວາມສໍາເລັດ ຫຼື ມີຄວາມສຸກໄດ້

 

ຜູ້ທີ່ໃຫ້ຄວາມສຸກແກ່ຄົນອຶ່ນໄດ້ ແມ່ນມວ່ນນໍາການໃຫ້ ແລະການໃຫ້ແມ່ນເຮັດໃຫ້ເຂົາມີຄວາມສຸກ

 

ບໍ່ມີຜູ້ໃດທີ່ຕ້ອງການຮອຍຍິ້ມຫຼາຍທີ່ສຸດ ນອກເໜຶອແຕ່ວ່າຜູ້ນັ້ນແມ່ນບໍ່ເປັນຄົນມັກຍິ້ມເລີຍ

 

ຄົນເຮົາຕ່າງກໍ່ໃຊ້ຫົນທາງຕ່າງກັນທີ່ຈະເຮັດໃຫ້ຕົນເອງມີຄວາມສຸກ ມີແຕ່ວ່າເຂົາເຮັດບໍ່ຄືກັນກັບເຈົ້າໝົດບໍ່ແມ່ນວ່າເຂົານັ້ນເຮັດບໍ່ຖືກຕ້ອງ

 

ຄວາມສຸກແມ່ນການທີ່ເຮົາແມ່ນເລືອກເອົາມັນມາ ບາງເທຶ່ອຄວາມສຸກນັ້ນກໍ່ຮຽກຮ້ອງຄວາມພະຍາຍາມສູງ

 

ການກະທໍາໃດໜຶ່ງບໍ່ແມ່ນວ່ານໍາດ້ວຍຄວາມສຸກສະເໝີໄປ, ແຕ່ວ່າບໍ່ມີຄວາມສຸກໃດທີ່ໄດ້ມາ ປາດສະຈາກການກະທໍາ

 

ມີແຕ່ຄົນໂງ່ເທົ່ານັ້ນທີ່ຊອກຫາຄວາມສຸກມາດົນນານ, ຜູ້ສະຫຼາດແມ່ນປຸກສ້າງຄວາມສຸກໃນຕົນໂຕຂອງເຂົາເອງ

 

ວັນເວລາທີ່ເຈົ້າເສຍໄປກັບຄວາມມວ່ນຊຶ່ນ ແມ່ນບໍ່ໄດ້ເສຍໄປຫຼ້າ ເວລາແຫ່ງຄວາມສຸກແມ່ນມີຄຸນຄ່າ ແລະສໍາຄັນສະເໝີ

 

ຜູ້ທີ່ຮູ້ເລີກເຊິ່ງເຖີງແສງສະຫວ່າງນໍາມາແຫ່ງຄວາມສຸກ ຜູ້ນັ້ນແມ່ນຈະບໍ່ມີວັນໄດ້ພົບກັບສາຍຝົນ

 

ທຸກນາທີ່ເຈົ້າເກີດໃຈຮ້າຍ ເຈົ້າແມ່ນເສຍເວລາແຫ່ງຄວາມສຸກ ໖໐ ວິນາທີ່

 

ຄວາມາສໍາເລັດບໍ່ແມ່ນກຸນແຈໄປຫາຄວາມສຸກ ຄວາມສຸກນັ້ນແມ່ນກຸນແຈແຫ່ງຄວາມສໍາເລັດ ແລະແມ່ນຫຍັງທີ່ເຈົ້າຮັກ-ມັກ ເຮັດແລ້ວ ແມ່ນເຈົ້າແມ່ນຈະໄດ້ພົບກັບຜົນສໍາເລັດ

ຄວາມສຸກ ແລະ ຂີ້ເຫຍື້ອ…

ຄວາມສຸກ ແລະ ຂີ້ເຫຍື້ອ…

ຄົນ​ເຮົາ​ໃນ​ຍຸກ​ປັດ­ຈຸ­ບັນ ຕ່າງ​ກໍ​ໄຝ່​ຝັນ​ຢາກ​ດຳ­ລົງ​ຊີ­ວິດ​ພາຍ​ໃຕ້​ທ້ອງ­ຟ້າ​ແຫ່ງ​ສັນ­ຕິ­ພາບ ແລະ ມີ​ຄວາມ­ສຸກ​ຢູ່​ກັບ​ການ​ຈັບ​ຈ່າຍ​ໃຊ້​ສອຍ​ຄື ປາ­ຖະ­ໜາ​ສິ່ງ​ໃດ​ຂໍ​ໃຫ້​ໄດ້​ດັ່ງ​ຄວາມ​ມັກ​ຄວາມ​ປາ­ຖະ­ໜາ ຖ້າ­ວ່າ​ຈະ​ເອົາ​ສິ່ງ​ດັ່ງ­ກ່າວ​ເປັນ​ສິ່ງ​ວັດ­ແທກ ຫຼື ຈະ​ປຽບ​ໃຫ້​ເປັນ​ດັດ​ສະ​ນີ​ວັດ­ແທກ​ຄວາມ­ສຸກ​ນັ້ນ ເຫັນ​ວ່າ​ຍັງ​ຂາດ​ຄວາມ​ມີ​ຊີ­ວິດ​ຊີ­ວາ​ຢູ່​ຫຼາຍ ແຕ່​ແນວ­ໃດ​ກໍ​ດີ ເມື່ອ​ກວດ­ກາ​ເບິ່ງ​ຄວາມ​ຕ້ອງ­ການ​ທີ່​ກ່າວ​ໃນ​ເບື້ອງ​ຕົ້ນ ເຫັນ​ວ່າ​ເປັນ​ການ​ມີ​ຄວາມ­ສຸກ​ຢ່າງ​ຮີບ​ດ່ວນ​ແບບ​ໄຮ້​ດຽງ­ສາ​ເກີນ​ໄປ ຄື​ບໍ່​ຕ້ອງ­ການ​ໃຫ້​ຕົນ​ເອງ ຢູ່​ໃນ​ບັນ­ຍາ­ກາດ​ຂອງ​ພາ­ວະ​ເສິກ​ສົງ­ຄາມ ຢາກ​ມີ​ເງິນ​ຄຳ​ເພື່ອ​ເນ­ລະ­ມິດ​ເອົາ​ວັດ­ຖຸ​ເຂົ້າ­ຂອງ​ທີ່​ຕົນ​ຕ້ອງ­ການ ມາ​ບຳ­ເລີ​ຕົນ​ໃຫ້​ມີ​ຄວາມ­ສຸກ​ກາຍ​ສະ­ບາຍ​ໃຈ.

ອັນ​ນີ້​ເປັນ­ຄວາມ​ສຸກ​ແບບ​ເພີ້​ຝັນ​ແຕ້ມ​ຮູບ​ເອົາ ຄວາມ­ສຸກ​ປະ­ເພດ​ນີ້ ແມ່ນ​ຄວາມ­ສຸກ​ທີ່​ເກີດ​ຂຶ້ນ​ບົນ​ກອງ​ຂີ້​ເຫຍື້ອ ຫຼື ບໍ່​ເປັນ​ໄປ​ຕາມ​ຄັນ​ລອງ​ຄອງ​ທຳ ບໍ່​ຜ່ານ​ການ​ອອກ­ແຮງ​ງານ ຄື​ທຸກ​ຢ່າງ​ຈະ​ຕ້ອງ​ຊື້​ເອົາ​ທີ່​ຕະ­ຫຼາດ ຢາກ​ໄດ້​ຫຍັງ​ກໍ​ປິ່ນ​ໜ້າ​ໃສ່​ຕະ­ຫຼາດ ຊຸບ​ເປີ​ມາກ​ເກັດ ໂດຍ​ແມ່ນ​ແນວ​ຄວາມ​ຄິດ​ທີ່​ຕິດ​ພັນ​ຂອງ​ກະ­ແສ​ບໍ­ລິ­ໂພກ​ນິ­ຍົມ ສະ­ໜອງ​ຢູ່​ພາຍ​ໃນ​ປະ­ເທດ​ບໍ່​ຄົບ​ຖ້ວນ ແລ້ວ​ພາ­ກັນ​ແຫ່​ໄປ​ຊື້​ຢູ່​ຕ່າງ­ປະ­ເທດ​ທີ່​ໃກ້​ຄຽງ ໃຊ້​ຈ່າຍ​ເງິນ­ຕາ​ແບບ​ແຂ່ງ­ຂັນ​ກັນ ສິ່ງ​ທີ່​ໄດ້​ມາ​ເມື່ອ​ແກະ​ກ໋ອງ​ທີ່​ເຫຼືອ​ໃຊ້ ມັນ​ກໍ​ກາຍ­ເປັນ​ຂີ້​ເຫຍື້ອ​ຫຼ້ອນໆ ຈົນ​ມີ​ຜູ້​ເວົ້າ​ເຢີ້ຍ​ພວກ​ອອກ​ຕະ­ຫຼາດ​ຕ່າງ­ປະ­ເທດ​ນັ້ນ​ວ່າ ເປັນ​ຜູ້​ມ້ຽນ​ຂີ້​ເຫຍື້ອ​ໃຫ້​ຕ່າງ­ປະ­ເທດ ໃນ​ນີ້ ບໍ່​ວ່າ​ແຕ່​ເຄື່ອງ​ໃນ​ຫໍ່​ໃນ​ກ໋ອງ ແມ່ນ​ແຕ່​ລົດ​ລາ​ພາ­ຫະ­ນະ​ກໍ​ເຊັ່ນ​ກັນ ມັນ​ກໍ​ເລີ່ມ​ເປັນ​ເສດ​ເຫຼັກ​ເຂົ້າ​ເລື້ອຍໆ ເມື່ອ​ລຸ້ນ​ໃໝ່ໆ​ອອກ​ມາ​ຍົວະ​ໃຈ​ໃຫ້​ແກ່​ການ​ແຂ່ງ­ຂັນ​ບໍ­ລິ­ໂພກ ເລື່ອງ​ນີ້​ຈະ​ແກ້​ຕົກ​ໄດ້ ກໍ​ຕ້ອງ​ມີ​ຕົວ​ແບບ​ຂອງ​ການ​ດຳ­ລົງ​ຊີ­ວິດ ຢູ່​ໃນ​ຄວາມ​ພໍ­ດີ ບໍ່​ຟຸມ​ເຟືອຍ ເບິ່ງ​ຕົນ ເບິ່ງ​ເພິ່ນ ເບິ່ງ​ປະ­ເທດ​ຊາດ ແລະ ບໍ່​ທຳ­ລາຍ​ສິ່ງ­ແວ­ດລ້ອມ.

ຄວາມ­ສຸກ​ທີ່​ບໍ່­ເກີດ​ຈາກ​ກອງ​ຂີ້​ເຫຍື້ອ ແມ່ນ​ຄວາມ­ສຸກ​ທີ່​ໄດ້​ຮັບ​ຜ່ານ​ຈາກ​ການ​ອອກ­ແຮງ​ງານ ຢ່າງ​ມີ​ລະ­ບຽບ​ວິ­ໄນ ມີ​ວິ­ໄນ​ການ​ເງິນ​ໃຫ້​ກັບ​ຕົນ​ເອງ ຮູ້​ຈົ່ງ​ຢອມ​ເກັບ​ທ້ອນ ຮູ້​ຄຸນ­ຄ່າ​ຂອງ​ເງິນ ເຫັນ​ຄຸນ­ຄ່າ​ຂອງ​ການ​ອອກ­ແຮງ​ງານ ທີ່​ເປັນ​ຍອດ​ຂອງ​ຄວາມ­ສຸກ​ທາງ​ຮ່າງ­ກາຍ ແລະ ຈິດ­ໃຈ ຄວາມ­ສຸກ​ທີ່​ໄດ້​ຜ່ານ​ຈາກ​ການ​ອອກ­ແຮງ​ງານ ຍັງ​ສ້າງ​ໃຫ້​ຄົນ​ມີ​ທັດ­ສະ­ນະ​ຫຼັກ​ໝັ້ນ ຄຸນ­ສົມ­ບັດ​ດີ ກົງ­ກັນ­ຂ້າມ ທີ່​ໄດ້​ຈາກ​ແຫຼ່ງ​ອື່ນ ມັກ​ຈະ​ມີ​ການ​ອວດ​ອ້າງ​ທະ​ນົງ​ຕົວ ຖື​ເງິນ​ເປັນ​ພະ​ເຈົ້າ ທີ່​ພ້ອມ​ແລ້ວ​ຈະ​ນຳ​ເອົາ​ຂີ້​ເຫຍື້ອ​ເຂົ້າ​ມາ​ຖົມ​ຕົນ​ເອງ ແລ້ວ​ຕໍ່​ໄປ​ກໍ​ຈະ​ຮູ້​ເອງ​ວ່າ ແຫຼ່ງ​ທີ່​ມາ​ຂອງ​ລາຍ​ໄດ້​ທີ່​ນຳ​ເຂົ້າ​ມາ​ບຳ­ເລີ​ຕົນ​ນັ້ນ ອາດ​ຈະ​ກາຍ­ເປັນ​ພິດ​ໄພ​ເຜົາ​ຜານ​ຕົນ​ໃນ​ບັ້ນ​ປາຍ​ກໍ​ໄດ້ ດັ່ງ­ນັ້ນ ຄວາມ­ສຸກ​ທີ່​ດີ​ຖືກ­ຕ້ອງ​ບໍ່​ເປັນ​ພິດ​ໄພ ແມ່ນ​ມາ​ຈາກ​ການ​ອອກ­ແຮງ​ງານ​ທາງ​ຮ່າງ­ກາຍ ແລະ ມັນ­ສະ­ໝອງ ມາ​ຈາກ​ການ​ຊື້​ຂາຍ​ດຳ­ເນີນ​ທຸ­ລະ​ກິດ​ທີ່​ຖືກ­ຕ້ອງ​ຕາມ​ກົດ­ໝາຍ ຖືກ​ສິນ​ທຳ ແຕ່​ບໍ່​ແມ່ນ​ມາ​ຈາກ​ການ​ເຮັດ​ຜິດ​ກົດ­ໝາຍ ຫຼື ກະ­ທຳ​ການ​ໃນ​ທາງ​ທີ່​ບໍ່​ຖືກ­ຕ້ອງ.

ຄວາມສຸກປຽບເໝືອນສູດຄິດໄລ່

ຄວາມສຸກປຽບເໝືອນສູດຄິດໄລ່

ຄິດດີ…ທໍາດີ

ຄິດດີ…ທໍາດີ

ຄົນ​ເຮົາ​ນີ້​ຈະ​ດີ ຫລື ຊົ່ວ ແມ່ນ​ຂຶ້ນ​ກັບ​ຄວາມ​ຄິດ, ຄັນ​ຄິດ​ດີກໍ່​ຈະ​ທຳ​ດີ ແລະ ກົງ­ກັນ­ຂ້າມ, ສະ­ນັ້ນ​ ມະນຸດ​ໃນ​ໂລກ​ຈິ່ງ​ແບ່ງ​ອອກ​ເປັນ​ສອງ​ກຸ່ມ​ຢ່າງ​ຈະ­ແຈ້ງ​ຄື: ກຸ່ມ​ທີ​ຫນຶ່ງ​ມັກ​ເບິ່ງ​ໂລກ​ໃນ​ແງ່​ບວກ ຫລື ດ້ານ​ດີ​ເລີຍ ພາ­ໃຫ້​ຄິດ​ດີ; ເຫັນ​ທຸກ​ບັນ­ຫາ​ມີ​ທາງ​ອອກ ແລະ ແກ້​ໄຂ​ໄດ້.

   ສ່ວນ​ກຸ່ມ​ທີ​ສອງ​ພັດ​ເບິ່ງ​ໂລກ​ໃນ​ແງ່​ລົບ ຫລື ດ້ານ​ມືດ ເລີຍ​ພາ­ໃຫ້​ຄິດ​ແນວ​ບໍ່​ດີ ເຫັນ​ບັນ­ຫາ​ຫຍັງ​ກໍ່​ທໍ້­ຖອຍຫມົດ​ຫວັງ ມີ​ແຕ່​ຫຍໍ້­ທໍ້​ເບື່ອ​ຫນ່າຍ​ໃນ​ໂລກ​ນີ້​ມີ​ແຕ່​ບັນ­ຫາ.

   ໄດ້​ອ່ານ​ພົບ​ປຶ້ມ​ຫົວ​ຫນຶ່ງ ເວົ້າ​ເຖິງ​ຜົນ​ວິ­ໄຈ​ທາງ​ດ້ານ​ການ​ແພດ​ຂອງ​ຜູ້​ຊ່ຽວ­ຊານ​ທາງ​ດ້ານ​ໂພ­ຊະ​ນາ ​ການ​ທີ່ມີ​ຊື່​ສຽງ​ຂອງ​ໂລກ​ໄດ້​ພິ­ສູດ​ວ່າ: ຄົນ​ທີ່​ມັກ​ເບິ່ງ​ໂລກ​ໃນ​ແງ່​ບວກ ຫລື ດ້ານ​ດີ​ເລີຍ​ພາ­ໃຫ້​ຄິດ​ດີຈະ​ມີ​ຄວາມ­ສຸກທາງ​ດ້ານ​ຈິດ­ໃຈ ເພາະ​ຄວາມ­ສຸກ​ທີ່​ເກີດ​ຂຶ້ນ​ຈະ​ເປັນ​ຕົວ​ກະ​ຕຸ້ນ​ໃຫ້​ສະ­ຫມອງ​ຂອງ​ຄົນ​ເຮົາ ​ຜະ­ລິດ​ສານ​ແຫ່ງຄວາມ­ສຸກ (Endorphine) ອອກ​ມາ​ເປັນ​ຢາ​ແກ້​ປວດ​ຫົວ, ຜ່ອນ­ຄາຍ​ຄວາມ​ຕຶງ​ຄຽດ ແລະ ສ້າງ​ພູມ​ຕ້ານ­ທານໃຫ້​ແກ່​ຮ່າງ­ກາຍ​ເຊັ່ນ: ກິນ​ແຊບ, ນອນ​ຫລັບ​ດີ ຈິ່ງ​ເຮັດ​ໃຫ້​ສຸ­ຂະ­ພາບ​ໂດຍ​ລວມ​ມີ​ຄວາມ​ແຂງ­ແຮງ. ກົງ­ກັນ­ຂ້າມຄົນ​ທີ່​ມັກ​ເບິ່ງ​ໂລກ​ໃນ​ແງ່​ລົບ ຫລື ດ້ານ​ມືດເລີຍ​ພາ­ໃຫ້​ຄິດ​ແນວ​ບໍ່​ດີ ຍາມ​ໃດ​ກໍ່​ຢູ່​ໃນ​ພາ­ວະ​ຕຶງ​ຄຽດ​ຢູ່​ໃນ​ຈິດ­ໃຈ ຕະ­ຫລອດ​ເວ­ລາ​ສະ­ຫມອງ​ກໍ່​ຈະ​ຜະ­ລິດ​ສານ​ແຫ່ງ​ຄວາມ­ທຸກ (Adrenaline) ອອກ​ມາ ​ເຊິ່ງ​ຈະ​ເຮັດ​ໃຫ້​ຫົວ­ໃຈສັ່ນ ແລະ ນອນ​ບໍ່​ຫລັບ,ບໍ່​ຢາກ­ກິນ­ເຂົ້າ, ຮ່າງ­ກາຍ​ອ່ອນ­ແອ ແລະ ເກີດ​ມີ​ພະ­ຍາດ​ບາດ​ເຍົາ​ຕ່າງໆ​ຕໍ່​ມາ​ກໍ່​ກາຍເປັນ: ພະ­ຍາດ​ຊຶມ​ເສົ້າ, ເສັ້ນ­ປະ­ສາດ ເຊິ່ງ​ເປັນ​ສາ­ເຫດ​ໃຫ້ຄິດ​ສັ້ນ​ທຳ­ລາຍ​ໂຕ​ເອງ ຫລື ຂ້າ​ໂຕ​ຕາຍ.

   ຄົນ​ຄິດ​ດີ​ກໍ່​ຈະ​ທຳ​ການ​ໃນ​ສິ່ງ​ທີ່​ດີ ເພາະ­ວ່າ​ການ​ຄິດ​ດີ​ຈະ​ຊ່ວຍ​ໃຫ້​ທ່ານ​ມີ​ກຳ­ລັງ​ກາຍ ແລະ ໃຈ​ເພື່ອ​ຜ່ານ ຜ່າ​ອຸ­ປະ­ສັກ, ກ້າ​ທີ່​ຈະ​ປະ​ເຊີນ​ຫນ້າ​ກັບ​ທຸກ​ບັນ­ຫາ; ບໍ່​ວ່າ​ຈະ​ເກີດ​ຫຍັງ​ຂຶ້ນ​ກໍ່​ຕາມການ​ຄິດ​ດີ​ຈະ​ຊ່ວຍ​ໃຫ້​ທ່ານ​ແກ້ໄຂ​ວິ​ ກິດ​ການ​ໄດ້.

   ກົງ­ກັນ­ຂ້າມ​ຖ້າ​ທ່ານ​ຄິດ​ລົບຄິດ​ແຕ່​ແນວ​ບໍ່​ດີ​ຢູ່​ໃນ​ສະ­ຫມອງ: ການ​ກ່າວ​ໂທດ​ຄົນ​ອື່ນ, ການ​ຈົ່ມ​ວ່າ, ການແກ້​ຕົວ​ທີ່​ຕົນ​ເອງ​ໃຊ້​ເປັນ​ເຄື່ອງ­ມື ເພື່ອ​ຫລຸດ­ຜ່ອນ​ຄວາມ​ຕຶງ​ຄຽດ ຫລື ບັນ­ເທົາ​ຄວາມ​ກົດ​ດັນ​ຈະ​ພາ­ໃຫ້​ທ່ານ​ກັງວົນ​ໃຈ ສະ­ນັ້ນ​ທ່ານ​ຕ້ອງ​ທ່ອງ​ຄຳ​ວ່າ: ຈົ່ງ​ປະ­ຕິ­ບັດ​ຜູ້​ອື່ນ​ຄື​ດັ່ງ​ທ່ານຢາກ​ໃຫ້​ຜູ້​ອື່ນ​ປະ­ຕິ­ບັດ​ຕໍ່​ທ່ານ​ ໃຫ້​ຂຶ້ນ​ໃຈ.

   ບໍ່​ທໍ່​ນັ້ນ​ຄົນ​ຄິດ​ດີ ຫລື ຄິດ​ບວກໍ່​ຕ້ອງ​ກະ­ທຳ​ຕົນ​ໃຫ້​ຄົນ​ອ້ອມ​ຂ້າງ​ຄິດ​ດີ​ຕໍ່​ຕົນ​ສະ­ເຫມີ​ນັ້ນ​ ຄື: ການ­ສະ­ແດງ ນ້ຳ­ໃຈ​ດ້ວຍ​ການ​ຄຳ​ວ່າ: ຂ້ອຍ​ຕ້ອງ­ການ​ເຈົ້າ, ນີ້​ຄື​ຄຳ​ເວົ້າ​ຄຳ​ຫນຶ່ງ​ທີ່​ມີ​ພະ­ລັງ ເພາະ​ມັນ​ບອກ​ເຖິງ​ການ​ຍອມຮັບ​ຄວາມ​ສາ­ມາດ​ຂອງ​ຄົນ​ອື່ນ ເຊິ່ງ​ຄຳ​ເວົ້າ​ນີ້​ສຳ­ຄັນ​ຫລາຍ​ສຳ­ລັບ​ຜູ້­ນຳ…ແຕ່​ໃນ​ຄວາມ​ເປັນ​ຈິງ​ ຜູ້­ນຳ ຫລື ຜູ້​ບໍ ລິ​ຫານ​ບາງ​ຄົນ​ເມື່ອ​ຕົນ​ເອງ​ມີ​ຕຳ­ແຫນ່ງ​ສູງ​ແລ້ວ ພັດ​ບໍ່​ເຫັນ​ຄວາມ​ສຳ­ຄັນ​ຂອງ​ຜູ້​ມີ​ຕຳ­ແຫນ່ງ​ຕ່ຳ​ກວ່າ ເຊິ່ງ​ໃນຕົວ​ຈິງ​ແລ້ວ ກັບ​ເປັນ​ໄປ​ບໍ່​ໄດ້​ທີ່​ຜູ້​ບໍ­ລິ­ຫານ​ເຫລົ່າ­ນັ້ນ​ ຈະ​ສາ­ມາດ​ນຳ­ພາ​ອົງ​ກອນ​ໄປ​ສູ່​ຄວາມ​ສຳ­ເລັດ​ໄດ້​ຍ້ອນ​ຕົວຄົນ​ດຽວ.

   ຍົກ​ບັນ­ຫາ​ເລື່ອງ​ຄິດ​ດີ…ທຳ​ດີ ມາ​ສົນ­ທະ­ນາ​ແລກ­ປ່ຽນ​ໃນ​ມື້­ນີ້ ແມ່ນ​ຢາກ​ໃຫ້​ສັງ­ຄົມ​ມີ​ຄວາມ​ປັບ​ປ່ຽນວິ­ທີ​ຄິດ​ເພາະ​ດຽວ­ນີ້​ຍ້ອນ​ຄວາມ​ ຢາກ​ຮັ່ງ­ມີ​ຈິ່ງ​ເກີດ​ມີ​ຄວາມ​ຄິດ​ຫລາຍ​ຢ່າງ​ໃນ​ການ​ທຳ​ມາ​ຫາ​ກິນ.. ບາງ​ລາຍຄິດ​ລວຍ​ທາງ​ລັດ ຄ້າ­ຂາຍ​ຢາ​ເສບ​ຕິດ, ຄ້າ​ມະ­ນຸດ, ຄ້າ​ໄມ້​ຫວງ​ຫ້າມ ແລະ ຜິດ​ກົດ­ຫມາຍ​ອື່ນໆ. ພວກເຮັດ​ວຽກ​ນຳ​ບໍ­ລິ­ສັດ​ກໍ່​ພາ­ກັນ​ສໍ້​ໂກງ​ບໍ­ລິ­ສັດ, ຍັກ​ຍອກ​ເອົາ​ຊັບ​ສົມ­ບັດ​ຂອງ​ເພິ່ນ​ມາ​ເປັນ​ຂອງ​ໂຕ, ພວກ​ເຮັດວຽກ​ເປັນ​ລັດ­ຖະ­ກອນ ກໍ່​ສໍ້​ລາດ​ບັງ​ຫລວງ, ສວຍ​ໃຊ້​ຕຳ­ແຫນ່ງ, ຫນ້າ­ທີ່​ເອົາ​ຂອງ​ລັດ​ຂອງ​ຫລວງ​ມາ​ເປັນຂອງ​ຕົວ​ເອງ…..

   ຫມາຍ­ວ່າ​ເຫັນ​ວັດ­ຖຸ​ສິ່ງ​ຂອງ ຫລື ແນວ​ອື່ນ​ໃດ? ກະ­ແສ​ນິ­ຍົມ​ບໍ ລິ​ໂພກ​ວັດ­ຖຸ​ນັບ​ມື້​ແພ່​ລາມ ແລະ ບັ່ນ​ທອນ ແນວ​ຄິດ​ຈິດ­ໃຈ​ທີ່​ດີ­ງາມ… ທີ່​ເປັນ​ມູນ­ເຊື້ອ​ຂອງ​ຄົນ​ເຮົາ​ໃຫ້​ເສື່ອມ​ຖອຍ​ລົງ​ທຸກ​ຂະ­ນະ.